Butjadingen Lied
Butjadingen hat eine eigene, von Emil Pleitner verfasste Hymne.
Eine Hörprobe gesungen vom Shantychor Butjenter Blinkfüer.
Das Butjadingen Lied.
Hier eine Hörprobe. gesungen vom Shantychor Butjenter Blinkfüer:
Du liggst so stolt, so smuck un riek
dor an de Waterkant
Dien golden Ring, dat is de Diek
Dien Kleed dat gröne Land
Kein bäter Land is unnern Heben
Hurra Butjarland, Du schast leben
Hurra Butjarland.
Dien Pär un Keuh gaht där de Welt
Dien Schäpen wiet un siet.
Von männig stolten, starken Held
Vertellt de ole Tiet.
Keem Graf un Bischop ok is faken
Se kunnen di doch all nicks maken
Hurra Butjarland.
Dien Jungens, de sund risch und stolt
und jeden steiht sein Mann.
Se staht just as'n Boom int Holt
und seggt: Fat mi nich an !
Se haut dar up, as weer't old Isen
just as de olen freen Friesen
Hurra Butjarland.
Dien Deerns hefft Ogen blau un klar
un Rosen up de Back'n
se hefft dat moje geele Haar,
de Schelm sitt ähr inn Nack'n.
So weer dat all in ole Tiden:
Butjenter Deerns mag jeden lieden.
Hurra Butjarland.
Wenn't Water hen na See to geiht
wenn's abends de Bäklock klingt
wenn't ruschelt dör dat hoge Reit
un wenn de Lauerk singt
dann klingt un singt dat unnern Heben:
Hurra Butjarland, Du schast leben
Hurra Butjarland.
Suche
Kontakt
Gemeinde Butjadingen
Butjadinger Straße 59
26969 Butjadingen
Tel.: +49 4733 89-0
Fax: +49 4733 89-89
E-Mail: gemeinde@gemeinde-butjadingen.de
Newsletter
wesermarsch!
echt.nordisch
Facebook Butjadingen
Fahrplan Info
